ದಾಳಿ ನಡೆಸಿದ ಸಿಂಹಗಳಿಗೆ ಬುದ್ಧಿ ಕಲಿಸಿದ ಕಾಡೆಮ್ಮೆ: ರೋಚಕ ಸೆಣಸಾಟದ ವಿಡಿಯೋ ನೋಡಿ

ನವದೆಹಲಿ: ಕಾಡೆಮ್ಮೆಯೊಂದು ತನ್ನ ಮೇಲೆ ದಾಳಿ ಮಾಡಿದ ಎರಡು ಸಿಂಹಗಳನ್ನು ಹಿಮ್ಮೆಟ್ಟಿಸುವ ದೃಶ್ಯ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಸಫಾರಿ ವಾಹನದಲ್ಲಿದ್ದ ಪ್ರವಾಸಿಗರು ಈ ಘಟನೆಯನ್ನು ಸೆರೆಹಿಡಿದಿದ್ದಾರೆ. X ಪ್ಲಾಟ್‌ಫಾರ್ಮ್‌ ಅನಿಮಲ್ ವರ್ಲ್ಡ್ ಹಂಚಿಕೊಂಡ ಕ್ಲಿಪ್‌ನಲ್ಲಿ ಕಾಡೆಮ್ಮೆ ಮೇಲೆ ಎರಡು ಸಿಂಹಗಳು ದಾಳಿ ಮಾಡುತ್ತವೆ. ಒಂದು ಸಿಂಹ ಕುತ್ತಿಗೆಯನ್ನು ಇನ್ನೊಂದು ಬಾಲವನ್ನು ಗುರಿಯಾಗಿಸಿ ಕಚ್ಚಿ ಎಳೆಯುತ್ತವೆ. ಆದರೂ ಕೂಡ ಕಾಡೆಮ್ಮೆ ತೀವ್ರ ಸೆಣೆಸಾಟ ನಡೆಸಿ, ಸಿಂಹಗಳನ್ನು ತನ್ನ ಕಾಲುಗಳಿಂದು ತುಳಿದು, ಕೊಂಬುಗಳಿಂದ ಹಿಮ್ಮೆಟ್ಟಿಸುತ್ತದೆ. ಬಳಿಕ ತೀವ್ರ ಗಾಯದಿಂದ ಆಕ್ರೋಶಿತಗೊಂಡಿದ್ದ ಪ್ರವಾಸಿಗರ ವಾಹನದ ಮೇಲೆಯೇ ದಾಳಿ ನಡೆಸಲು ಮುಂದಾಗುತ್ತದೆ. ನಂತರ ಸಮೀಪದಲ್ಲಿಯೇ ಇರುವ ಕೆರೆಗೆ ಇಳಿಯುತ್ತದೆ. ಸಿಂಹಗಳು ಬೇಟೆ ದೊರೆಯದೇ ನಿರಾಸೆಯಿಂದ ಸ್ಥಳದಲ್ಲಿಯೇ ಹೊಂಚುಹಾಕುವ ದೃಶ್ಯವಿದೆ. ಅದೇ ರೀತಿ ಭಾರತೀಯ ಅರಣ್ಯ ಸೇವೆಯ (IFS) ಅಧಿಕಾರಿ ಪರ್ವೀನ್ ಕಸ್ವಾನ್, ಎರಡು ಮರಿ ಆನೆಗಳು ತಮಾಷೆಯ ಜಗಳದಲ್ಲಿ ತೊಡಗಿರುವ ಹೃದಯಸ್ಪರ್ಶಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಮರಿಯಾನೆಗೆ ಹಿರಿಯ ಆನೆಗಳ ಹಿಂಡು ತಡೆಗೋಡೆಯಾಗಿ ನಿಲ್ಲುವ ದೃಶ್ಯವಿದೆ.