Video: ಹೆಂಡ್ತಿಗೆ ಗೊತ್ತಾಗದಂತೆ ಮ್ಯಾಚ್ ನೋಡ್ತಾ ಮನೆಯಲ್ಲೇ ಬಿಯರ್‌ ಹೀರುವುದು ಹೇಗೆ

ಕ್ರಿಕೆಟ್ ಪಂದ್ಯ ರಜಾ ದಿನ ಭಾನುವಾರ ಬಂದಿರೋದ್ರಿಂದ ಗಂಡಸರಿಗೆ ಕೆಲವು ಮನೆಯಲ್ಲಿ ಮನೆಯಿಂದ ಹೊರಗೆ ಹೋಗಿ ಸ್ನೇಹಿತರೊಂದಿಗೆ ಗುಂಡು ತುಂಡಿನೊಂದಿಗೆ ಪಾರ್ಟಿ ಮಾಡುವ ಅವಕಾಶದಿಂದ ವಂಚಿತರಾಗಿದ್ದಾರೆ. ಹೀಗಾಗಿ ಈ ಹೈವೋಲ್ಟೇಜ್ ಮ್ಯಾಚ್ ನಡೆಯುತ್ತಿರುವಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಹೆಂಡ್ತಿಯೊಂದಿಗೆ ಗುಂಡು ಹೀರುತ್ತಾ ಮ್ಯಾಚ್ ನೋಡುವುದು ಹೇಗೆ ಎಂಬ ವೀಡಿಯೋವೊಂದನ್ನು ಪೋಸ್ಟ್ ಮಾಡಿದ್ದು, ಸಖತ್ ವೈರಲ್ ಆಗ್ತಿದೆ.
ವೀಡಿಯೋದಲ್ಲಿ ಗಂಡ ಹೆಂಡತಿ ಸೋಪಾದಲ್ಲಿ ಕುಳಿತುಕೊಂಡು ಕ್ರಿಕೆಟ್‌ ನೋಡ್ತಿದ್ದಾರೆ. ಈ ವೇಳೆ ಗಂಡ ಹೆಂಡ್ತಿ ಕಣ್ತಪ್ಪಿಸಿ ಗುಂಡು ಹೊಡೆಯುತ್ತಿದ್ದಾನೆ. ಅದು ಹೇಗೆ ಅಂತ ವೀಡಿಯೋದಲ್ಲೇ ನೀವು ನೋಡಬೇಕು. ವೀಡಿಯೋದಲ್ಲಿ ಕಾಣಿಸುವಂತೆ ಮೆಲ್ನೋಟಕ್ಕೆ ಗೊಂಬೆಯಂತೆ ಕಾಣುವ ಟೆಡ್ಡಿಬೇರ್ ಒಳಗೆ ಗಂಡ ವಿಸ್ಕಿ ಬಾಟಲ್ ಅಡಗಿಸಿಟ್ಟಿದ್ದಾನೆ. ಮತ್ತೊಂದು ಪಕ್ಕದಲ್ಲಿ ಹೆಂಡ್ತಿ ಗಂಡನಿಗೆ ಒರಗಿ ಕೂತುಕೊಂಡು ಟಿವಿ ನೋಡ್ತಿದ್ದಾಳೆ. ಇತ್ತ ಗಂಡ ಒಂದೊಂದೇ ತುಂಡು ತಿನ್ನುತ್ತಾ ಒಂದೊಂದೇ ಸೀಪ್ ಆಕೆಗೆ ಗೊತ್ತಾಗದಂತೆ ವಿಸ್ಕಿ ಹೀರುತ್ತಿದ್ದಾನೆ. ಮ್ಯಾಚ್‌ ಟೈಮಲ್ಲಿ ಈ ವೀಡಿಯೋ ಈಗ ಸಖತ್ ವೈರಲ್ ಆಗಿದ್ದು, ರಸವತ್ತಾದ ಕಾಮೆಂಟ್‌ಗಳು ಬರ್ತಿವೆ.