By ಉಡುಪಿ ಅಜ್ಜರಕಾಡು ಜಿಲ್ಲಾ ಕ್ರೀಡಾಂಗಣದಲ್ಲಿ ಮಾ. 9 ಮತ್ತು 10 ರಂದು ನಡೆದ 2ನೇ ದಕ್ಷಿಣ ಭಾರತ ಮಟ್ಟದ ಮಾಸ್ಟರ್ಸ್ ಕ್ರೀಡಾಕೂಟದಲ್ಲಿ ಮಂಗಳೂರಿನ ಕಿರಣ್ ಪೈ 35 ವಯೋಮಿತಿಯ ಹ್ಯಾಮರ್ ಥ್ರೋ ನಲ್ಲಿ ಚಿನ್ನ 28.4 ಮೀ ಹಾಗೂ ಡಿಸ್ಕಸ್ ಎಸೆತದಲ್ಲಿ ಕಂಚಿನ ಪದಕ 23.78 ಮೀ ಪಡೆದಿದ್ದಾರೆ. ಖೇಲೋ ಇಂಡಿಯಾ ಮತ್ತು ರಾಷ್ಟ್ರ ಮಟ್ಟದ ಹ್ಯಾಮರ್ ಥ್ರೋ ಪದಕ ವಿಜೇತ ಯಮನೂರಪ್ಪ ಆರ್.ವಿ ಯವರಿಂದ ತರಬೇತಿ ಪಡೆದಿರುವವರು. ಇವರು ಮಂಗಳೂರು ವಿಜಯವಾಣಿ ಕಚೇರಿಯಲ್ಲಿ ಸಹಾಯಕ ವ್ಯವಸ್ಥಾಪಕ (ಆಡಳಿತ ವಿಭಾಗ) ಸಿಬ್ಬಂದಿ. ಕ್ರೀಡಾಕೂಟದಲ್ಲಿ ದಕ್ಷಿಣ ಭಾರತದ ಕರ್ನಾಟಕ, ಕೇರಳ,ತಮಿಳುನಾಡು, ತೆಲಂಗಾಣ ಅಲ್ಲದೆ ದುಬೈ ಹಾಗೂ ಗಲ್ಫ ರಾಷ್ಟ್ರದ ವಿವಿಧ ವಯೋಮಿತಿಯ 700 ಕ್ಕೂ ಹೆಚ್ಚಿನ ಅಥ್ಲೀಟ್ ಗಳು ಭಾಗವಹಿಸಿದ್ದರು.
ದಕ್ಷಿಣ ಕನ್ನಡ ಮಾಸ್ಟರ್ಸ್ ಅಥ್ಲೆಟಿಕ್ಸ್ ಅಸೋಸಿಯೇಷನ್ ಅಧ್ಯಕ್ಷರು ಹಾಗೂ ಶ್ರೀ ದೇವಿ ದಯಾಳ್ ಬಿಲ್ಡರ್ಸ ಮಾಲಕರು ಕೆ.ಜಗದೀಶ್ ಶೆಟ್ಟಿ, ರಾಷ್ಟ್ರ ಮಟ್ಟದ ಹ್ಯಾಮರ್ ಪದಕ ವಿಜೇತ ಯಮನೂರಪ್ಪ ಆರ್.ವಿ ಮತ್ತು ರವಿರಾಜ್ ಪುತ್ತೂರು ಪದಕ ಹಾಗೂ ಪ್ರಮಾಣ ಪತ್ರ ನೀಡಿ ಗೌರವಿಸಿದರು.
