ವಿಡಿಯೋ: ಅಯ್ಯಯ್ಯೋ ಎಲ್ರೂ ಇರುವಾಗ ಹೇಗಪ್ಪ ನೋಡೋದು

ಟಿವಿಯಲ್ಲಿ ರೊಮ್ಯಾಂಟಿಕ್ ದೃಶ್ಯ ಕಂಡು ನಾಚಿಕೆಯಿಂದ ಕಣ್ಣು ಮುಚ್ಚಿದ ಶ್ವಾನ\

ಸಾಮಾನ್ಯವಾಗಿ ಟಿವಿಯಲ್ಲಿ ರೊಮ್ಯಾಂಟಿಕ್ ದೃಶ್ಯ ಬಂದಾಗ ನಮಗೆ ಸ್ವಲ್ವ ಮುಜುಗರ ಮತ್ತು ನಾಚಿಕೆಯಾಗುತ್ತದೆ ಅಲ್ವಾ. ಅದೇ ರೀತಿ ಇಲ್ಲೊಂದು ಶ್ವಾನಕ್ಕೂ ಕೂಡಾ ರೊಮ್ಯಾಂಟಿಕ್ ದೃಶ್ಯವನ್ನು ನೋಡಿದಾಕ್ಷಣ ಮುಜುಗರವಾಗುತ್ತೆಯಂತೆ. ಇದಕ್ಕೆ ಸಂಬಂಧಿಸಿದ ಫನ್ನಿ ವಿಡಿಯವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದ್ದು, “ಯಾಕ್ರೀ ಮಗುವಿಗೆ ಮುಜುಗರ ಉಂಟು ಮಾಡುತ್ತೀರಾ” ಅಂತ ನೆಟ್ಟಿಗರು ತಮಾಷೆ ಮಾಡಿದ್ದಾರೆ.
ಈ ಕುರಿತ ಹಲವಾರು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಆಗಾಗ್ಗೆ ವೈರಲ್ ಆಗುತ್ತಿರುತ್ತವೆ. ಅದೇ ರೀತಿ ಇಲ್ಲೊಂದು ವಿಡಿಯೋ ವೈರಲ್ ಆಗಿದ್ದು, ಸಾಮಾನ್ಯವಾಗಿ ಮನುಷ್ಯರಾದ ನಾವುಗಳೇ ಟಿ.ವಿಯಲ್ಲಿ ರೊಮ್ಯಾಂಟಿಕ್ ದೃಶ್ಯವನ್ನು ನೋಡಿದಾಗ ಸ್ವಲ್ಪ ಮುಜುಗರ ಪಟ್ಟುಕೊಳ್ಳುತ್ತೇವೆ. ಅದೇ ರೀತಿ ಇಲ್ಲೊಂದು ಶ್ವಾನ ಕೂಡಾ ರೊಮ್ಯಾಂಟಿಕ್ ದೃಶ್ಯವನ್ನು ನೋಡಿ, ನಾಚಿ ಕಣ್ಣು ಮುಚ್ಚಿಕೊಂಡಿದೆ. ಈ ಹಾಸ್ಯಮಯ ವಿಡಿಯೋ ಇದೀಗ ಸಖತ್ ವೈರಲ್ ಆಗಿದೆ.

ಈ ವಿಡಿಯೋವನ್ನು ಫೇಸ್ಬುಕ್ ಪೇಜ್ ಒಂದರಲ್ಲಿ ಹಂಚಿಕೊಳ್ಳಲಾಗಿದ್ದು, ಶ್ವಾನವೊಂದು ಟಿವಿಯಲ್ಲಿ ರೊಮ್ಯಾಂಟಿಕ್ ದೃಶ್ಯವನ್ನು ನೋಡಿ, ಮುಜುಗರ ಪಟ್ಟುಕೊಂಡು ಕಣ್ಣು ಮುಚ್ಚಿಕೊಂಡು ಕುಳಿತಿರುವ ತಮಾಷೆಯ ದೃಶ್ಯವನ್ನು ಕಾಣಬಹುದು.

ವೈರಲ್ ವಿಡಿಯೋದಲ್ಲಿ ಹಸ್ಕಿ ನಾಯಿ ಟಿವಿಯಲ್ಲಿ ಯಾವುದೋ ಕೊರಿಯನ್ ಸೀರೀಸ್ ನೋಡುತ್ತಿತ್ತು. ಆ ವೇಳೆಯಲ್ಲಿ ರೋಮ್ಯಾಂಟಿಕ್ ದೃಶ್ಯವೊಂದು ಪ್ಲೇ ಆಗುತ್ತೆ. ಇದನ್ನು ನೋಡಿದ ಶ್ವಾನ ಮುಜುಗರಕ್ಕೊಳಗಾಗಿ ಶಾಂತಂ ಪಾಪಂ.. ಶಾಂತಂ ಪಾಪಂ… ನನ್ನ ಕಣ್ಣಿಂದ ಈ ದೃಶ್ಯವನೆಲ್ಲಾ ನೋಡಲು ಸಾಧ್ಯವಿಲ್ಲ ಎನ್ನುತ್ತಾ ಸ್ವಲ್ಪ ಈ ಕಡೆ ಬಂದು ತನ್ನ ಕಾಲಿನಿಂದ ಕಣ್ಣುಗಳನ್ನು ಮುಚ್ಚಿಕೊಂಡು ಕುಳಿತುಕೊಳ್ಳುವ ಹಾಸ್ಯಮಯ ದೃಶ್ಯವನ್ನು ಕಾಣಬಹುದು.