ಫ್ರಾನ್ಸ್‌ ಪ್ರವಾಸ ವೇಳೆ ಪ್ರಧಾನಿ ಹಂಚಿಕೊಂಡ್ರು ಅಪರೂಪದ ವಿಡಿಯೋ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಫ್ರಾನ್ಸ್‌ ಬ್ಯಾಸ್ಟಿಲ್‌ ಡೇಯಲ್ಲಿ ಪಾಲ್ಗೊಂಡು, ಫ್ರಾನ್ಸ್‌ ನೊಂದಿಗೆ ರಕ್ಷಣೆ ಸೇರಿದಂತೆ ಹಲವು ಮಹತ್ವದ ಒಪ್ಪಂದಕ್ಕೆ ಸಹಿ ಹಾಕಿ ಇದೀಗ ಯುಎಇಗೆ ತೆರಳಿದ್ದಾರೆ. ಈ ವೇಳೆ ಮಾತನಾಡಿದ್ದ ಪ್ರಧಾನಿ ನರೇಂದ್ರ ಮೋದಿ ಬಾಸ್ಟಿಲ್ ಡೇ ಪರೇಡ್‌ನಲ್ಲಿ ಭಾರತೀಯ ತುಕಡಿಗೆ ಸ್ಥಾನ ಸಿಕ್ಕಿರುವುದು ಪ್ರಶಸಂನೀಯ ಎಂದು ಹೇಳಿದ್ದಾರೆ.

ಈ ಫ್ರಾನ್ಸ್ ಭೇಟಿ ಸ್ಮರಣೀಯವಾಗಿದೆ. ಬಾಸ್ಟಿಲ್ ಡೇ ಆಚರಣೆಯಲ್ಲಿ ಭಾಗವಹಿಸಲು ನನಗೆ ಅವಕಾಶ ಸಿಕ್ಕಿದ್ದರಿಂದ ಅದು ಮತ್ತಷ್ಟು ವಿಶೇಷವಾಗಿದೆ. ಪರೇಡ್‌ನಲ್ಲಿ ಭಾರತೀಯ ತುಕಡಿ ನೋಡಿ ಹೆಮ್ಮೆಯೆನಿಸಿತು. ಆತ್ಮೀಯ ಆತಿಥ್ಯಕ್ಕಾಗಿ ನಾನು ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರೋನ್ ಮತ್ತು ಫ್ರೆಂಚ್ ಜನರಿಗೆ ಕೃತಜ್ಞನಾಗಿದ್ದೇನೆ.

ಭಾರತ-ಫ್ರಾನ್ಸ್ ಸ್ನೇಹ ಮತ್ತಷ್ಟು ಗಾಢವಾಗಲಿದೆ ಎಂದು ಮೆರವಣಿಗೆಯ ಫೋಟೊಗಳನ್ನು ಮೋದಿ ಟ್ವೀಟ್ ಶುಕ್ರವಾರ ಮಾಡಿದ್ದರು. ಇದೀಗ ಅಪರೂಪದ ಬ್ಯಾಸ್ಟಿಲ್‌ ಡೇ ವಿಡಿಯೋವನ್ನು ಬಿಡುಗಡೆ ಮಾಡಿದ್ದು, ಭಾರತದ ತುಕಡಿ ಕೂಡ ಬಾಸ್ಟಿಲ್ ಡೇ ಪರೇಡ್‌ನಲ್ಲಿಪಾಲ್ಗೊಂಡಿರುವುದು ವಿಡಿಯೋದಲ್ಲಿದೆ.