ಮನೆ ಮೇಲೆ ಉರುಳಿದ ಪಿಕಪ್‌ ವಾಹನ, ಮನೆಯಿಲ್ಲಿದ್ದ ಸಿಲುಕಿದ ಮಹಿಳೆ

ವಿಟ್ಲ: ಪಿಕಪ್‌ ವಾಹನವೊಂದು ರಸ್ತೆಯಿಂದ ಮನೆಯ ಮೇಲೆ ಪಲ್ಟಿಯಾಗಿದ್ದು, ಮನೆಯೊಳಗೆ ಮಹಿಳೆ ಸಿಲುಕಿಕೊಂಡ ಘಟನೆ ಪರಿಯಾಲ್ತಡ್ಕ ಸಾರಡ್ಕ ರಸ್ತೆಯ ಕೂರೇಲು ಎಂಬಲ್ಲಿ ನಡೆದಿದೆ.

ಚಾಲಕನ ನಿಯಂತ್ರಣ ತಪ್ಪಿದ ಪಿಕಪ್‌ ವಾಹನ ಮದ್ಯದ ಅಂಗಡಿ ಸಮೀಪ ರಸ್ತೆಯಿಂದ ರಸ್ತೆ ಕೆಳಗಿದ್ದ ಮನೆಗೆ ಬಿದ್ದು ಭಾರಿ ಹಾನಿಯಾಗಿದೆ. ಮನೆಯಲ್ಲಿ ಮಹಿಳೆ ಮಲಗಿದ್ದಾಗ ಈ ಘಟನೆ ಸಂಭವಿಸಿದ್ದು, ವಾಹನವನ್ನು ತೆರವು ಮಾಡದೆ ಅವರನ್ನು ಮನೆಯಿಂದ ಹೊರಗೆ ಕರೆತರಲಾಗದ ಪರಿಸ್ಥಿತಿ ಇದೆ. ಸ್ಥಳಕ್ಕೆ ವಿಟ್ಲ ಪೊಲೀಸರು ಭೇಟಿ ನೀಡಿ ಕ್ರೇನ್‌ ಬಳಸಿ ವಾಹನ ಮೇಲೆತ್ತಲು ಕಾರ್ಯಾಚರಣೆ ಆರಂಭವಾಗಿದೆ.