ಮಲಯಾಳಂ ನಟ ಟೊವಿನೊ ಥಾಮಸ್ ತಾವು ಸಿನಿಮಾಕ್ಕೆ ಪಡೆಯುವ ಸಂಭಾವನೆ ಬಗ್ಗೆ ಮಾತನಾಡಿದ್ದಾರೆ. ಇವರ ನಟನೆಯ ‘ಅದೃಶ್ಯ ಜಲಕಂಗಲ್’ ಸಿನಿಮಾ ಇದೇ ನ. 24ಕ್ಕೆ ತೆರೆಗೆ ಬರುತ್ತಿದೆ. ಸಿನಿಮಾದ ಪ್ರಚಾರದಲ್ಲಿ ನಿರತರಾಗಿರುವ ಟೊವಿನೋ ಥಾಮಸ್, ತಾವು ಸಿನಿಮಾಗಳಿಗೆ ಪಡೆಯುವ ಸಂಭಾವನೆ ಬಗ್ಗೆ ಮಾತನಾಡಿದ್ದಾರೆ. ”ನಾನು ಎಲ್ಲ ಸಿನಿಮಾಕ್ಕೂ ಒಂದೇ ಸಂಭಾವನೆ ಪಡೆಯುವುದಿಲ್ಲ. ಸಿನಿಮಾ ಎಷ್ಟು ದೊಡ್ಡದು, ನಿರ್ಮಾಣ ಸಂಸ್ಥೆ, ಸಿನಿಮಾಕ್ಕೆ ನಾನು ಹಾಕಬೇಕಾದ ಸಮಯ, ಶ್ರಮ, ಸಿನಿಮಾ ಯಾವ ರೀತಿಯ ಬ್ಲಾಕ್ ಬಸ್ಟರ್ ಆಗಬಹುದು ಎಂಬುದನ್ನೆಲ್ಲ ಗಮನದಲ್ಲಿಟ್ಟುಕೊಂಡು ಪ್ರತಿ ಸಿನಿಮಾಕ್ಕೂ ಬೇರೆ-ಬೇರೆ ಮೊತ್ತದ ಹಣವನ್ನು ಸಂಭಾವನೆಯಾಗಿ ಪಡೆಯುತ್ತೇನೆ” ಎಂದು ಪ್ರತಿಕ್ರಿಯಿಸಿದ್ದಾರೆ.
ನಾನು ‘ಅದೃಶ್ಯ ಜಲಕಂಗಲ್’ ಸಿನಿಮಾಕ್ಕೆ ಕಡಿಮೆ ಸಂಭಾವನೆ ಪಡೆದಿದ್ದೇನೆ. ಇದು ಹಿಟ್ ಆಗುವ ಸಿನಿಮಾ ಆಗಿದ್ದರೂ ಸಹ, ಸಾಂಪ್ರದಾಯಿಕ ಮಾದರಿ ಹಿಟ್ ಆಗುವ ಸಿನಿಮಾ ಅಲ್ಲ. ಹಾಗಾಗಿ ಈ ಸಿನಿಮಾಕ್ಕೆ ಸಂಭಾವನೆ ಕಡಿಮೆ ತೆಗೆದುಕೊಂಡಿದ್ದೇನೆ ಎಂದಿದ್ದಾರೆ.