ಹಾವೇರಿ: ಕೆಎಸ್‌ಆರ್‌ಟಿಸಿ ಬಸ್‌ನಲ್ಲಿ ಮಂಗವೊಂದು ಪ್ರಯಾಣಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಹಾವೇರಿಯಿಂದ ಹಿರೇಕೆರೂರಿಗೆ 30 ಕಿ.ಮೀ ದೂರದವರೆಗೆ ಕೋತಿ ಸಂಚಾರ ನಡೆಸಿದ್ದು, ಇಬ್ಬರು ಪ್ರಯಾಣಿಕರಿಗೆ ಮೀಸಲಾದ ಸೀಟಿನಲ್ಲಿ ಕೋತಿ ಕುಳಿತುಕೊಂಡಿದ್ದು, ಮನುಷ್ಯರಂತೆಯಯೇ ಕೋತಿಯೂ ಕೂಡ ಕಿಟಕಿಯಿದ ಇಣುಕಿ ನೋಡುವ ದೃಶ್ಯಗಳು ದಾಖಲಾಗಿವೆ. ಆದರೆ ಕೋತಿಯ ಭಯದಿಂದ ಯಾರು ಆ ಸೀಟ್‌ ನಲ್ಲಿ ಕುಳಿತುಕೊಂಡಿಲ್ಲ. ಕಂಡಕ್ಟರ್ ಕೋತಿಯ ಹತ್ತಿರ ಬಂದು ತಮಾಷೆಯಾಗಿ ಟಿಕೆಟ್ ತೆಗೆದುಕೊಳ್ಳುವಂತೆ ಹೇಳಿದ್ದಾನೆ. ಆಗ ಕೋತಿ ಬಸ್‌ನಿಂದ ಕೆಳಗಿಳಿದು ಹೋಗಿದೆ. ಕೋತಿ ಹೆಣ್ಣಾಗಿರುವುದರಿಂದ ಉಚಿತ ಪ್ರಯಾಣಕ್ಕೆ ‘ಶಕ್ತಿ ಯೋಜನೆ’ ಬಳಸಿಕೊಂಡಿದೆ ಎಂದು ಸಾರ್ವಜನಿಕರು ಹೇಳುತ್ತಿದ್ದರು.
