ಶಿವಮೊಗ್ಗ: ಇಲ್ಲಿನ ಸ್ಥಳೀಯ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿಗಳು ಬಾಡಿಗೆ ಮನೆಯಲ್ಲೇ ಗಾಂಜಾ ಬೆಳೆದಿದ್ದ ಪರಿ ನೋಡಿದರೆ ಎಂತಹವರಿಗೂ ಒಮ್ಮೆ ಶಾಕ್‌ ಆಗಬೇಕು. ಹಾಗೆ ಖತರ್ನಾಕ್‌ ಐಡಿಯಾ ಮಾಡಿ ಗಾಂಜಾ ಬೆಳೆಯುತ್ತಿದ್ದ ಮೆಡಿಕಲ್ ಸ್ಟೂಡೆಂಟ್‌ಗಳನ್ನು ಶಿವಮೊಗ್ಗ ಪೊಲೀಸರು ಬಂಧಿಸಿದ್ದು. ನ್ಯಾಯಾಂಗ ಬಂಧನಕ್ಕೊಳಪಡಿಸಲಾಗಿದೆ.
ಈ ಕುರಿತು ಸುದ್ದಿಗೋಷ್ಠಿ ನಡೆಸಿದ ಎಸ್ಪಿ ಮಿಥುನ್ ಕುಮಾರ್ ವಿದ್ಯಾರ್ಥಿಗಳ ಕ್ರಿಮಿನಲ್‌ ಪ್ಲಾನ್‌ ಕುರಿತು ವಿವಣೆ ನೀಡಿದ್ದಾರೆ. ವಿಘ್ನರಾಜ್, ವಿನೋದ್, ಪಾಂಡು ದೊರೆ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿಗಳಾಗಿದ್ದು, ಮನೆ ಬಾಡಿಗೆ ಪಡೆದು ಬೆಡ್‌ರೂಂನಲ್ಲಿಯೇ ಅರ್ಟಿಫಿಷಿಯಲ್ ಟೆಂಟ್ ನಲ್ಲಿ ಗಾಂಜಾ ಬೆಳೆದಿದ್ದಾರೆ . 5×10 ಅಡಿ ಅಂತರದಲ್ಲಿ ಟೆಂಟ್ ರೀತಿಯಲ್ಲಿ ಗಾಂಜಾ ಬೆಳೆಸಿದ್ದರು ಎಂದು ಹೇಳಿದರು.
ಆನ್ ಲೈನ್ ನಲ್ಲಿ ಗಾಂಜಾ ಪಡೆದು ರಸಾಯನಿಕ ಗೊಬ್ಬರವನ್ನೂ ಖರೀದಿಸಿದ್ದಾರೆ. ದಾಳಿ ವೇಳೆ ಸಿಗರೇಟ್ ಬಟ್ಸ್ ಮೆಟರಿಯಲ್ ಸಿಕ್ಕಿದೆ. ಈ ಮೂವರು ಮೆಡಿಕಲ್ ಕೊನೆಯ ವರ್ಷದ ವಿದ್ಯಾರ್ಥಿಗಳಾಗಿದ್ದಾರೆ ಎಂದು ತಿಳಿಸಿದರು. ಕಸ್ಟಮರ್ ಬಗ್ಗೆ ಪುರಾವೆ ಸಿಕ್ಕಿದೆ ಎಂದು ವಿವರಿಸಿದರು.