By ಮುಂಬೈ: ಬಿಗ್ ಬಾಸ್ ಸ್ಪರ್ಧಿಯೊಬ್ಬರ ಮೇಲೆ ಕಳ್ಳತನದ ಆರೋಪ ಹೊರಿಸಲಾಗಿದೆ. ಈ ಬಗ್ಗೆ ಪ್ರಕರಣದ ದಾಖಲಾಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಪ್ರಸ್ತುತ ಪ್ರಸಾರವಾಗುತ್ತಿರುವ ಹಿಂದಿಯ ಬಿಗ್ಬಾಸ್ 17ರ ಸ್ಪರ್ಧಿ ಸನಾ ರಯೀಸ್ ಖಾನ್ ವಿರುದ್ಧ ಸೆಲೆಬ್ರಿಟಿ ಸ್ಪೈಲಿಸ್ಟ್ ಆಗಿರುವ ಖುಷ್ಬೂ ರಾವತ್ ಕಳ್ಳತನದ ಆರೋಪ ಹೊರಿಸಿದ್ದು, ದೂರು ಸಹ ದಾಖಲಿಸಿದ್ದಾರೆ.
ಸ್ವತಃ ವಕೀಲೆ ಸಹ ಆಗಿರುವ ಸನಾ ರಯೀಸ್ ಖಾನ್ ಬಿಗ್ಬಾಸ್ 17 ರ ಸ್ಪರ್ಧಿಯಾಗಿ ಕೆಲ ವಾರ ಮನೆಯಲ್ಲಿದ್ದರು. ಕೆಲ ವಾರಗಳ ಹಿಂದೆ ಅವರು ಮನೆಯಿಂದ ಹೊರಗೆ ಬಂದಿದ್ದಾರೆ. ಸನಾ ರಯೀಸ್ ಖಾನ್ ಬಿಗ್ಬಾಸ್ ಮನೆಯಲ್ಲಿದ್ದಾಗ ಅವರಿಗೆ ಉಡುಪು ಹಾಗೂ ಆಭರಣಗಳನ್ನು ಸ್ಟೈಲಿಸ್ಟ್ ಖುಷ್ಬೂ ರಾವತ್ ಕಳಿಸಿಕೊಡುತ್ತಿದ್ದರಂತೆ. ದುಬಾರಿ ಬೆಲೆಯ ಆಭರಣಗಳು, ಬಟ್ಟೆಗಳನ್ನು ಸನಾ ರಯೀಸ್ ಖಾನ್ ಅವರಿಗಾಗಿ ಖುಷ್ಬು ಅವರು ಕಳಿಸಿದ್ದರಂತೆ ಆದರೆ ಬಿಗ್ಬಾಸ್ನಿಂದ ಹೊರಗೆ ಬಂದ ಬಳಿಕ ಆ ಬಟ್ಟೆಗಳನ್ನು ಆಭರಣಗಳನ್ನು ಸನಾ ರಯೀಸ್ ಖಾನ್ ಮರಳಿಸಿಲ್ಲವಂತೆ.
ಈ ಬಗ್ಗೆ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಖುಷ್ಬೂ ರಾವತ್, ‘‘ಕಳೆದ ನಾಲ್ಕು ವರ್ಷಗಳಿಂದಲೂ ನಾನು ಹಲವು ಬಿಗ್ಬಾಸ್ ಸ್ಪರ್ಧಿಗಳಿಗೆ ಉಡುಪುಗಳನ್ನು ನೀಡುತ್ತಾ ಬಂದಿದ್ದೇನೆ. ಬೇರೆ-ಬೇರೆ ಕಡೆಗಳಿಂದ ಉಡುಪುಗಳನ್ನು ತರಿಸಿಕೊಂಡು ಅದಕ್ಕೆ ವರ್ಕ್ ಮಾಡಿಸಿ, ಅದಕ್ಕೆ ಒಪ್ಪುವ ಆಭರಣಗಳನ್ನು ಹುಡುಕುವುದು, ಮಾಡಿಸುವುದು ಇಷ್ಟೆಲ್ಲ ಶ್ರಮಪಟ್ಟು ಈ ಕೆಲಸ ಮಾಡುತ್ತಾ ಬರುತ್ತಿದ್ದೇನೆ. ಆದರೆ ಈ ವರ್ಷ ಸನಾ ರಯೀಸ್ ಖಾನ್ ಅವರಿಂದ ಆದಷ್ಟು ಕೆಟ್ಟ ಅನುಭವ ಯಾವಾಗಲೂ ಆಗಿಲ್ಲ’’ ಎಂದಿದ್ದಾರೆ.
