By 18 ಕೋಟಿ ರೂ.ಗಳ ಆ ವಾಚ್ ಹೇಗಿದೆ ನೀವೂ ಈ ವಿಡಿಯೋದಲ್ಲಿದೆ ನೋಡಿ
ವಾಚ್ ನೋಡಿ ಫೇಸ್‌ಬುಕ್ ಮಾಲೀಕ ಮಾರ್ಕ್ ಜುಕರ್‌ಬರ್ಗ್ ಪತ್ನಿ ಪೆಸ್ಸಿಲ್ಲಾ ಬೆರಗಾಗಿದ್ದು ಯಾಕೆ
ಜಾಮ್‌ನಗರ್: ಚಿನ್ನದ ಸ್ಪೂನ್ ಬಾಯಲ್ಲಿಕೊಂಡೇ ಹುಟ್ಟಿರುವ ಮುಕೇಶ್ ಅಂಬಾನಿ ಪುತ್ರ ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಅವರು ಜುಲೈ ತಿಂಗಳಲ್ಲಿ ಮದುವೆಯಾಗುತ್ತಿದ್ದು, ಇವರಿಬ್ಬರ ವಿವಾಹ ಪೂರ್ವ ಕಾರ್ಯಕ್ರಮಗಳು ಹಲವು ಅದ್ದೂರಿತನಕ್ಕೆ ಸಾಕ್ಷಿಯಾಗಿದೆ. ಜಗತ್ತಿನೆಲ್ಲೆಡೆಯ ಉದ್ಯಮಿಗಳು, ಕ್ರಿಕೆಟ್ ತಾರೆಯರು, ಪಾಪ್‌ಸ್ಟಾರ್‌ಗಳು, ಬಾಲಿವುಡ್‌ನ ನಟ ನಟಿಯರು, ಸೇರಿದಂತೆ ಪ್ರತಿಯೊಬ್ಬರಿಗೂ ಆಹ್ವಾನ ನೀಡಲಾಗಿದ್ದು, ಬಹುತೇಕರು ಈ ವಿವಾಹ ಕಾರ್ಯಕ್ರಮಕ್ಕೆ ಹಾಜರಾಗಿದ್ದಾರೆ.
ಹೇಳಿ ಕೇಳಿ ಅಂಬಾನಿ ಕುಟುಂಬ ಅತ್ಯಂತ ಶ್ರೀಮಂತಿಕೆ ಹೆಸರಾದವರು. ಯಾರ ಬಳಿಯೂ ಇಲ್ಲದ ಹಲವು ಐಷಾರಾಮಿ ವಸ್ತುಗಳು, ವಾಚ್‌ಗಳು, ಫೋನ್‌ಗಳು, ವಜ್ರಾಭರಣಗಳು, ವಾಹನಗಳು ಈ ಕುಟುಂಬದ ವಾರಸುದಾರಿಕೆಯಲ್ಲಿದೆ. ಅದೇ ರೀತಿ ಅನಂತ್ ಅಂಬಾನಿ ಬಳಿ ವಿಶ್ವದ ಅತೀ ದುಬಾರಿ ವಾಚ್ ಎನಿಸಿರುವ ಸುಮಾರು 18 ಕೋಟಿ ರೂಪಾಯಿಗಳ ಪ್ಯಾಟೆಕ್ ಫಿಲಿಪ್ ಗ್ರ್ಯಾಂಡ್ ಮಾಸ್ಟರ್ ಚಿಮ್ ವಾಚ್ ಇದ್ದು, ಇದನ್ನು ನೋಡಿ ಫೇಸ್‌ಬುಕ್ ಮಾಲೀಕ ಮಾರ್ಕ್ ಜುಕರ್‌ಬರ್ಗ್ ಪತ್ನಿ ಪೆಸ್ಸಿಲ್ಲಾ ಬೆರಗಾದ ದೃಶ್ಯ ಈಗ ವೈರಲ್ ಆಗುತ್ತಿದೆ. 18 ಕೋಟಿ ಮೊತ್ತದ ಈ ದುಬಾರಿ ವಾಚ್ ಪ್ರೆಸಿಲ್ಲಾ ಮನಸೆಳೆದಿದ್ದು, ಆಕೆ ಅನಂತ್ ಅಂಬಾನಿ ಕೈ ಹಿಡಿದು ವಾಚ್ ಅನ್ನು ನೋಡುತ್ತಿರುವ ದೃಶ್ಯ ಕ್ಯಾಮರಾಗಳಲ್ಲಿ ಸೆರೆ ಆಗಿದ್ದು ವೈರಲ್ ಆಗಿದೆ. ವಾಚ್ ಗಮನಿಸಿದ ಆಕೆ ಬೆಲೆ ಎಷ್ಟು ಎಂದು ಕೇಳುತ್ತಿರುವುದಲ್ಲದೇ ವಾವ್ ಎಂದು ಉದ್ಗಾರ ತೆಗೆಯುತ್ತಿರುವ ದೃಶ್ಯವಿದೆ.
