ಇಷ್ಟೆಲ್ಲ ಆದ ಮೇಲೆ ಇರು ಎಂದರೆ ಇರೋಕೆ ಆಗಲ್ಲ- ವರ್ತೂರು ಸಂತೋಷ್

ಬೆಂಗಳೂರು: ವರ್ತೂರು ಸಂತೋಷ್​ ಅವರಿಗೆ ಬಿಗ್​ ಬಾಸ್​ ಮನೆಯಲ್ಲಿ ಜನರಿಂದ ಅವರಿಗೆ ಭರ್ಜರಿ ಬೆಂಬಲ ಕೂಡ ಸಿಕ್ಕಿದೆ. ಆದರೆ ಅರ್ಧದಲ್ಲೇ ಅವರು ಆಟ ಬಿಡಲು ತಯಾರಾಗಿದ್ದಾರೆ.

ವೀಕ್ಷಕರು ಅವರಿಗೆ ಬರೋಬ್ಬರಿ 34 ಲಕ್ಷಕ್ಕೂ ಹೆಚ್ಚು ವೋಟ್​ ಮಾಡಿದ್ದಾರೆ. ಜನರ ಅಭಿಪ್ರಾಯದ ವಿರುದ್ಧವಾಗಿ ಹೋಗಲು ತಾವು ಸಿದ್ಧರಿಲ್ಲ ಎಂದು ಕಿಚ್ಚ ಸುದೀಪ್ ಕೂಡ ಹೇಳಿದ್ದಾರೆ. ಹಾಗಿದ್ದರೂ ವರ್ತೂರು ಸಂತೋಷ್​ ಅವರು ಕಣ್ಣೀರು ಹಾಕುವುದು ನಿಲ್ಲಿಸಿಲ್ಲ. ನವೆಂಬರ್​ 13ರ ಎಪಿಸೋಡ್​ನಲ್ಲಿ ತಮ್ಮ ನಿರ್ಧಾರ ಏನು ಎಂಬುದನ್ನು ಅವರು ಸ್ಪಷ್ಟವಾಗಿ ಹೇಳಿದ್ದಾರೆ.

ನವೆಂಬರ್​ 13ರ ಸಂಚಿಕೆಯಲ್ಲಿ ವರ್ತೂರು ಸಂತೋಷ್​ ಅವರನ್ನು ಮನವೊಲಿಸಲು ಇನ್ನುಳಿದ ಸ್ಪರ್ಧಿಗಳು ಪ್ರಯತ್ನಿಸಿದರು. ತುಕಾಲಿ ಸಂತೋಷ್​, ಡ್ರೋನ್​ ಪ್ರತಾಪ್​, ಅತಿಥಿಯಾಗಿ ಬಂದ ಸುಷ್ಮಾ ರಾವ್​ ಸೇರಿದಂತೆ ಎಲ್ಲರೂ ಪದೇ ಪದೇ ಅದನ್ನೇ ಹೇಳಿದಾಗ ವರ್ತೂರು ಸಂತೋಷ್​ ಅವರಿಗೆ ಇನ್ನೂ ಬೇಸರ ಆಯಿತು. ಮತ್ತೆ ಮತ್ತೇ ಅದೇ ವಿಷಯ ಕೆದಕಬೇಡಿ ಎಂದು ಅವರು ಸ್ವಲ್ಪ ಗರಂ ಆಗಿಯೇ ಹೇಳಿದರು. ‘ಇಷ್ಟೆಲ್ಲ ಆದ ಮೇಲೆ ಇರು ಎಂದರೆ ಇರೋಕೆ ಆಗಲ್ಲ. ಚಿನ್ನದ ಚೈನ್​ನಲ್ಲಿ ಕಟ್ಟಿ ಹಾಕಿದ್ರೂ ಇರೋಕೆ ಆಗಲ್ಲ’ ಎಂದು ವರ್ತೂರು ಸಂತೋಷ್​ ಅವರು ಹೇಳಿದ್ದಾರೆ