ಲೈಂಗಿಕ ಕಿರುಕುಳ ಪ್ರಕರಣ: ನಟ ಶಿಯಾಝ್ ಕರೀಂ ಬಂಧನ

ಕಾಸರಗೋಡು: ಯುವತಿಗೆ ವಿವಾಹದ ಭರವಸೆ ನೀಡಿ ಮೂರು ವರ್ಷ ಲೈಂಗಿಕ ಕಿರುಕುಳ ನೀಡಿದ ಬಿಗ್ ಬಾಸ್ ಸ್ಪರ್ಧಿ, ನಟ ಶಿಯಾಝ್ ಕರೀಂ(34) ಅವರನ್ನು ಕಾಸರಗೋಡು ಚಂದೇರಾ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

ವಿದೇಶದಿಂದ ಬಂದಿಳಿದ ಶಿಯಾಝ್ ಕರೀಂನನ್ನ ಚೆನ್ನೈನಲ್ಲಿ ಕಾಸರಗೋಡು ಪೊಲೀಸರು ಬಂಧಿಸಿದ್ದಾರೆ.

ಸಂತ್ರಸ್ತ ಯುವತಿ(32 ವರ್ಷ) ಎರ್ನಾಕುಲಂ ಜಿಮ್ ಒಂದರಲ್ಲಿ ಕೆಲಸಕ್ಕಿದ್ದರು. ಈ ಯುವತಿ ಜೊತೆ ಶಿಯಾಝ್ ಕರೀಂ ಸ್ನೇಹ ಬೆಳೆಸಿ ವಿವಾಹದ ಭರವಸೆ ನೀಡಿ ಮೂರು ವರ್ಷ ಲೈಂಗಿಕ ಕಿರುಕುಳ ನೀಡಿದ್ದು ಅಲ್ಲದೆ ಸುಮಾರು 11 ಲಕ್ಷ ಪಡೆದ್ದಿದ್ದರು ಎಂದು ಚಂದೇರಾ ಠಾಣೆಯಲ್ಲಿ‌ ನೀಡಿದ್ದ ದೂರಿನಲ್ಲಿ ಯುವತಿ ತಿಳಿಸಿದ್ದಾಳೆ.

ಈತ ಬೇರೆ ಯುವತಿ ಜೊತೆ ವಿವಾಹ ನಿಶ್ಚಯದ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಇದ್ದ ಪೋಸ್ಟ್ ಗಮನಿಸಿ ಯುವತಿ ದೂರು ನೀಡಿದ್ದಾರೆ.