ಬೈಕ್‌ ನಲ್ಲಿ ಸಾಗುತ್ತಾ ಭರ್ಜರಿ ಸರಸ ಸಲ್ಲಾಪ: ವೈರಲ್‌ ಆದ ವಿಡಿಯೋದಲ್ಲೇನಿದೆ ಗೊತ್ತಾ?

ನವದೆಹಲಿ: ದೆಹಲಿಯ ಮಂಗೋಲ್‌ಪುರಿ ಬಳಿ ಯುವಜೋಡಿಯ ಬೈಕ್‌ ಪ್ರಣಯ ಸಲ್ಲಾಪ ದೃಶ್ಯಗಳು ವೈರಲ್‌ ಆಗಿದ್ದು, ರಸ್ತೆ ನಿಯಮಗಳನ್ನು ಉಲ್ಲಂಘಿಸಿ ಚುಂಬಿಸುತ್ತಾ ಸಾಗಿದ ಜೋಡಿಗೆ ದೆಹಲಿ ಟ್ರಾಫಿಕ್ ಪೊಲೀಸರು 11,000 ರೂ. ದಂಡ ವಿಧಿಸಿದ್ದಾರೆ.

ಕಾರಿನಲ್ಲಿ ಸಾಗುತ್ತಿದ್ದ ವ್ಯಕ್ತಿಗಳು ಯುವಜೋಡಿಯ ಸಾರ್ವಜನಿಕ ಪ್ರಣಯ ಚೆಲ್ಲಾಟವನ್ನು ವಿಡಿಯೋ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಯುವತಿಯನ್ನು ಬೈಕ್‌ ನ ಮುಂಭಾಗದಲ್ಲಿ ಕುಳ್ಳಿರಿಸಿ ಮುಂದೆ ಸಾಗುತ್ತಿದ್ದ ವೇಳೆ ಆಕೆ ಯುವಕನನ್ನು ಬಿಗಿಯಾಗಿ ತಬ್ಬಿ ಚುಂಬಿಸುತ್ತಿರುವ ದೃಶ್ಯವಿದೆ. ಜುಲೈ 16ರಂದು ವಿಡಿಯೋ ಟ್ವಿಟರ್‌ ನಲ್ಲಿ ವೈರಲ್‌ ಆಗಿದ್ದು, ಯುವಕ ಹೆಲ್ಮೆಟ್‌ ಧರಿಸಿದ್ದು, ಯುವತಿ ಧಾರಣೆ ಮಾಡಿರಲಿಲ್ಲ. ದ್ವಿಚಕ್ರ ವಾಹನವನ್ನು ಅಪಾಯಕಾರಿಯಾಗಿ ಚಲಾಯಿಸುತ್ತಿರುವ ವೈರಲ್ ವೀಡಿಯೊವನ್ನು ಗಮನದಲ್ಲಿಟ್ಟುಕೊಂಡು ದೆಹಲಿ ಟ್ರಾಫಿಕ್‌ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು 11,000 ದಂಡ ವಿಧಿಸಿದ್ದಾರೆ. ಅಲ್ಲದೆ ಚಲನಚಿತ್ರ ತಾರೆಯರನ್ನು ಅನುಕರಿಸಲು ಹೋಗಿ ಜೀವ ಕಳೆದುಕೊಳ್ಳಬೇಡಿ ಎಂದು ದೆಹಲಿ ಪೊಲೀಸರು ಹೇಳಿದ್ದು, ಘಟನೆಯ ವೀಡಿಯೊ ಮತ್ತು ಚಲನ್ ಸ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ.