By ಮುಂಬೈ: ತನ್ನ ಚಮತ್ಕಾರಿ ಪೋಸ್ಟ್‌ಗಳಿಂದ ಇನ್‌ಸ್ಟಾಗ್ರಾಮ್‌ಗೆ ಪಡ್ಡೆ ಹುಡುಗರ ಹೃದಯ ಗೆದ್ದಿರುವ ನಟಿ ಜೀನತ್ ಅಮನ್ ಬೇಸಿಗೆ ದಿನಗಳಲ್ಲಿ ತನ್ನನ್ನು ತಂಪಾಗಿಡಲು ಸಲಹೆ ನೀಡುವಂತೆ ಸಿನಿಪ್ರಿಯರಿಂದ ಸಲಹೆ ಕೇಳಿದ್ದಾರೆ. ಈ ಬಗ್ಗೆ ಇನ್‌ಸ್ಟಾದಲ್ಲಿ ಚಿತ್ರ ಹಂಚಿಕೊಂಡಿರುವ ಅವರು ‘ಸತ್ಯಂ ಶಿವಂ ಸುಂದರಂ’ ಚಿತ್ರದ ಥ್ರೋಬ್ಯಾಕ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
ಅಲ್ಲಿ ಅವರು ಕೆಂಪು ಮತ್ತು ಹಸಿರು ಉಡುಪಿನಲ್ಲಿ ನೆಲದ ಮೇಲೆ ಮಲಗಿರುವುದನ್ನು ತೋರಿಸಿದೆ. ಅವರು ಬೆಳ್ಳಿಯ ಕಾಲುಂಗುರ ಮತ್ತು ಬಳೆಗಳನ್ನು ಧರಿಸಿದ್ದು, ಕಣ್ಣುಮುಚ್ಚಿ ನಗುತ್ತಿದ್ದಾರೆ.
ಮುಂದುವರಿದು ಹೀಗೆ ಬರೆದುಕೊಂಡಿದ್ದಾರೆ. ಇದು ಬಿಸಿ, ಬಿಸಿ, ಬಿಸಿಯಾಗಿದೆ. ಶಾಖವನ್ನು ಸೋಲಿಸಲು ಇದು ಒಂದು ಮಾರ್ಗ, ನಿಮ್ಮಲ್ಲಿ ಸಲಹೆಗಳಿವೆಯೇ ಎಂದು ಕೇಳಿದ್ದಾರೆ. ಈ ಪೋಸ್ಟ್‌ ಹಲವು ಕಮೆಂಟ್‌ಗಳ ಬಂದಿವೆ. ಸೆಲೆಬ್ರಿಟಿ ಡಿಸೈನರ್ ಮನೀಶ್ ಮಲ್ಹೋತ್ರಾ ಕಮೆಂಟ್‌ ಮಾಡಿದ್ದು “ನೀವು ಚಿತ್ರದಲ್ಲಿ ಹಳ್ಳಿಗಾಡಿನ ನೋಟದಲ್ಲಿ ಅದ್ಭುತವಾಗಿ ಕಾಣುತ್ತೀರಿ ಎಂದಿದ್ದಾರೆ.
ನಟ ಸಂಜಯ್ ಕಪೂರ್ ಅವರು ರಾಜ್ ಕಪೂರ್ ಅವರ ಕಿರಿಯ ಪುತ್ರ ರಾಜೀವ್ ಕಪೂರ್ ಚಿಂಪೂ ಅವರೊಂದಿಗೆ ‘ಸತ್ಯಂ ಶಿವಂ ಸುಂದರಂ’ ಅನ್ನು ಸುಮಾರು 20 ಬಾರಿ ವೀಕ್ಷಿಸಿದ್ದನ್ನು ನೆನಪಿಸಿಕೊಂಡಿದ್ದಾರೆ.
