By ಮುಂಬೈ: ಫ್ಲಿಪ್‌ ಕಾರ್ಟ್‌ ಬಿಗ್ ಬಿಲಿಯನ್ ಡೇಸ್ ಗೆ ಕ್ಷಣಗಣನೆ ಆರಂಭವಾಗಿದ್ದು, ನಾಳೆಯಿಂದ ಅಂದರೆ ಅ.8ರಿಂದ ಈ ಗ್ರಾಹಕ ಖರೀದಿ ಹಬ್ಬ ಆರಂಭವಾಗಲಿದೆ. ಈ ಹಬ್ಬದ ಪ್ರಚಾರಕ್ಕಾಗಿ ಅತ್ತ ಮುಂಬೈ ಗೇಟ್‌ವೇ ಬೀದಿ ಸೇರಿದಂತೆ ಕೆಲ ಬೀದಿಗಳಲ್ಲಿ ಫ್ಲಿಪ್ಕಾರ್ಟ್ ವಾಹನವೊಂದು 2000 ನೋಟುಗಳನ್ನು ಗಾಳಿಯಲ್ಲಿ ಮಳೆ ಸುರಿಸಿದಂತೆ ಸುರಿಸಿದೆ.
ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ. ಈ ಬಗ್ಗೆ ಹಲವರು ಏನಾಗುತ್ತಿದೆ? ಮುಂಬೈ ಬೀದಿಯಲ್ಲಿ ಎಂದು ಪ್ರಶ್ನಿಸಿದ್ದಾರೆ. ಬಿಬಿಡಿ ಪ್ರಚಾರರ್ಥವಾಗಿ ಫ್ಲಿಪ್ಕಾರ್ಟ್ ಈ ರೀತಿ ಮಾಡಿತೇ? ಅಥವಾ ಆಕಸ್ಮಿಕವೇ? ಎಂದು ಹಲವರು ಚರ್ಚಿಸುತ್ತಿದ್ದಾರೆ. ಈ ಬಗ್ಗೆ ವಿಡಿಯೊ ಹಂಚಿಕೊಂಡಿರುವ ಫ್ಲಿಪ್ಕಾರ್ಟ್, ನಿಮ್ಮ ಪ್ರಶ್ನೆಗಳ ಮಹಾಪೂರಕ್ಕೆ ನಮ್ಮ ಇನ್‌ಬಾಕ್ಸ್ ತುಂಬಿದೆ. ಸದ್ಯದಲ್ಲೇ ಈ ಬಗ್ಗೆ ಸ್ಪಷ್ಟನೆ ನೀಡಲಿದ್ದೇವೆ ಎಂದು ತಿಳಿಸಿದೆ.
ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್ ಅಭಿಯಾನ ಅಕ್ಟೋಬರ್ 8 ರಿಂದ 15ರವರೆಗೆ ನಡೆಯಲಿದೆ.
We didn’t see this baarish coming. Our DMs are flooded, We’re solving the puzzle. 🤔💦 #PaisoKiBaarish #WOW pic.twitter.com/WEggAU6i6i
— Flipkart (@Flipkart) October 7, 2023
