By ಮುಂಬೈ: ಶಾರುಖ್ ಖಾನ್ ಅಭಿನಯದ “ಸ್ವದೇಸ್” ಚಿತ್ರದ ಮೂಲಕ ಪ್ರಸಿದ್ದಿ ಪಡೆದಿದ್ದ ಗಾಯತ್ರಿ ಜೋಶಿ ಅವರು ಇಟಲಿಯಲ್ಲಿ ತಮ್ಮ ಪತಿ ವಿಕಾಸ್ ಒಬೆರಾಯ್ ಅವರೊಂದಿಗೆ ಪ್ರವಾಸ ಹೋಗುತ್ತಿದ್ದ ವೇಳೆ ಭೀಕರ ಅಪಘಾತಕ್ಕೀಡಾದ ಘಟನೆ ನಡೆದಿದೆ. ಜೋಶಿ ದಂಪತಿ ಫೆರಾರಿ ಕಾರಿನಲ್ಲಿ ಸಾಗುತ್ತಿದ್ದ ವೇಳೆ ಈ ದುರ್ಘಟನೆ ನಡೆದಿದೆ. ಗಾಯತ್ರಿ ಅವರ ವಾಹನ ಹಾಗೂ ಅಪಘಾತಕ್ಕೀಡಾದ ಫೆರಾರಿ ಕಾರು ಮುಂದೆಹೋಗುತ್ತಿದ್ದ ಕ್ಯಾಂಪರ್‌ ವಾಹನವನ್ನು ಓವರ್‌ ಟೇಕ್‌ ಮಾಡುವ ವೇಳೆ ಈ ದುರ್ಘಟನೆ ನಡೆದಿದೆ. ಅಪಘಾತದ ಪರಿಣಾಮ ಫೆರಾರಿ ಕಾರು ಪಲ್ಟಿಯಾಗಿದ್ದು ಅದರಲ್ಲಿದ್ದ ಸ್ವಿಸ್‌ ದಂಪತಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ಪ್ರಾಣಕಳೆದುಕೊಂಡರವರನ್ನು ಮಾರ್ಕಸ್‌ ಕ್ರೌಟ್ಲಿ(67) ಪತ್ನಿ ಮೆಲಿಸಾ ಕ್ರೌಟ್ಲಿ ಎಂದು ಗುರುತಿಸಲಾಗಿದೆ. ಸ್ವಿಸ್‌ ದೇಶದ ಜ್ಯೂರಿಚ್‌ ನಿಂದ ಬಂದಿದ್ದರು. ಸದ್ಯ ಗಾಯತ್ರಿ ದಂಪತಿ ಅಪಾಯದಿಂದ ಪಾರಾಗಿದ್ದಾರೆ.
ಗಾಯತ್ರಿ ಜೋಶಿ ಅವರು 2004 ರಲ್ಲಿ ಬಿಡುಗಡೆಯಾದ ಬಾಲಿವುಡ್ ಚಲನಚಿತ್ರ “ಸ್ವದೇಸ್” ನಲ್ಲಿನ ಪಾತ್ರಕ್ಕಾಗಿ ವ್ಯಾಪಕ ಜನ ಮನ್ನಣೆ ಗಳಿಸಿದ್ದರು. ಗಾಯತ್ರಿ ಮಾರ್ಚ್ 20, 1977 ರಂದು ಮಹಾರಾಷ್ಟ್ರದ ನಾಗ್ಪುರದಲ್ಲಿ ಜನಿಸಿದರು. ಚಲನಚಿತ್ರೋದ್ಯಮಕ್ಕೆ ಪ್ರವೇಶಿಸುವ ಮೊದಲು, ಗಾಯತ್ರಿ ಜೋಶಿ ಮಾಡೆಲ್ ಆಗಿದ್ದರು. ಹಲವಾರು ಪ್ರಮುಖ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದರು.
ಶಾರುಖ್ ಖಾನ್ ಜೊತೆಗಿನ “ಸ್ವದೇಸ್” ಚಿತ್ರದ ನಂತರ ಆಕೆಗೆ ಅತ್ಯುತ್ತಮ ಅವಕಾಶಗಳು ದೊರೆತರೂ ಆಕೆ ಚಿತ್ರರಂಗದಿಂದ ದೂರವುಳಿದರು.
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
